Специјалната единица „Тигри“ одбележа годишнина без ниту еден Албанец
И на петтата деценија од формирањето на специјалната единица „Тигри“ нема ниту еден Албанец. Командантот на оваа единица, како и претходните години, и годинава не кажа ни збор за потребата од припадници Албанци во оваа единица.
„Денес, кога живееме во време на опасности и закани од глобални размери, потребна е брза и професионална реакција. Стекнатото искуство и инвестициите во кадар и технички персонал остануваат приоритет на нашата работа. Поради оваа причина, мора да работиме и да ја комплетираме единицата како еден од столбовите на МВР“, изјави Митко Даневски, командант на единицата „Тигри“
Министерот за внатрешни работи Оливер Спасовски зборуваше за условите и стандардите на единицата, но не и за огласот и немањето сограѓани Албанци во оваа елита.
„Континуирано создаваме предуслови за квалитативно доизградба на единицата во сите домени на нејзината работа, а идните генерации, нашите колеги да ги постигнат достигнувањата создадени како основа за работење, углед и пред се доверливост“, изјави Оливер Спасовски, министер за внатрешни работи.
Ниту премиерот Димитар Ковачевски не се потсети на децениската етничка дискриминација на Албанците во оваа единица.
„Претставниците на оваа единица се апсолутно свесни какви амблеми носат на униформите. Чест и задоволство е да се биде член на Специјалната антитерористичка единица „Тигар“, потребни се исклучително високи и специфични вежби вклучително и етика. Сите членови на оваа единица ги исполнуваат овие стандарди“, рече Димитар Ковачевски, премиер.
Ниту еден претставник Албанец од владиниот кабинет не присуствуваше на церемонијата на 41-годишнината. Специјалната единица „Тигри“ е формирана во 1981 година а на 40-годишнината била преименувана во Специјална антитерористичка единица. Во моментов застапеноста на Албанците во оваа единица е 0% додека на интерниот конкурс за обука се претставени полицајци од сите етнички заедници. Проверките и тестовите се закажани за во април, по што следи селекција. /Алсат.мк
Адријан Керими
