Средните училишта ќе треба да ја пуштаат државната химна?

За време на главната церемонија, почетокот и крајот на учебната година во средните училишта треба да се интонира државната химна. Вака предвидува членот 54 став 3 од предлогот на законот за средно образование, кој помина на прво читање во Законодавно-правната комисија во Собранието.

Министерката за образование Јаневска рече дека интонирањето на химната не е задолжително и за ова одлучуваат општините.

Во општините како Чаир, Бутел, Сарај и другите општини во Скопје за тоа не одлучуваат матичните општини туку Градот Скопје. Тоа значи дека доколку Градот Скопје одлучи да се пее химната во средните училишта во горенаведените општини, тоа ќе мора да се спроведе.

Пратеничката на Европскиот фронт, Рина Ајдари, порача дека студентите Албанци не треба да се обврзуваат да ја пеат химната, бидејќи таа не содржи никаков елемент од нивниот идентитет.

„Ја почитуваме државната химна, но оваа одредба го зголемува притисокот врз учениците Албанци поради тоа што во државната химна не се споменува ниту еден елемент од нашиот културен идентитет. Понатаму, ова може да создаде чувство на исклученост кај учениците Албанци кои се чувствуваат помалку вклучени во државната култура и често тоа остава негативно влијание врз чувствата на припадност и идентитет“, рече Рина Ајдари – пратеничка на ЕФ.

Пратеничката од Европскиот фронт, Рина Ајдари, најави измени на овој член и други членови од предложените законски измени.

Зекирија Хаџиу