Столтенберг: Земјите забрзано се вооружуваат со нуклеарно оружје

Во блиска иднина НАТО може да се соочи со нешто со кое досега не се соочил, а тоа се Кина и Русија. Ова предупредување доаѓа од генералниот секретар на НАТО, Јенс Столтенберг во интервју за британски „Телеграф“. Според шефот на НАТО, земјите кои поседуваат нуклеарно оружје се вооружуваат со вртоглава брзина и количина, како резултат на тоа никој повеќе не е безбеден.

„Во не толку далечна иднина, НАТО може да се соочи со нешто со кое никогаш досега не се соочил, а тоа се два потенцијални противници на нуклеарен погон – Кина и Русија. Се разбира, тоа има последици“, рече Јенс Столтенберг, генерален секретар на НАТО.

Предупредувањата на Столтенберг доаѓаат откако Г7 остро ги критикуваше Кина и Русија во заедничко соопштение во кое го повикаа Пекинг да престане да ја снабдува Москва со технологија за оружје и се спротивставија на „милитаризацијата“ на Пекинг на Пацификот. Столтенберг е загрижен бидејќи земјите кои поседуваат нуклеарно оружје не се транспарентни и не се знае како го модернизираат. Франција, според него, сè уште не го ставила на располагање својот арсенал.

„Бројот на оперативни нуклеарни оружја е строго доверлив, но проценките сугерираат дека Велика Британија има околу 40 од 225 распоредени во секое време. САД имаат околу 1.700 од 3.700 распоредени. Франција, третата нуклеарна сила на НАТО, не го става на располагање својот атомски арсенал на Алијансата поради долгогодишната одлука да ја задржи независноста “, додаде тој.

„НАТО е во преговори за распоредување на повеќе нуклеарно оружје соочени со зголемената закана од Русија и Кина“, рече шефот на алијансата. Јенс Столтенберг додаде дека блокот треба да му го покаже на светот својот нуклеарен арсенал за да испрати директна порака до своите непријатели.

Владимир Путин постојано се закануваше дека ќе користи нуклеарно оружје во Украина и поставуваше нуклеарни боеви глави поблиску до границите на Европа. Сепак, тој неодамна ги намали своите закани.