Стручното образование и оваа година ќе заврши без книги

И учениците од стручното образование оваа учебна година ќе ја завршат без книги по стручни предмети. На клупа имаат само тетратки полни со белешки во кои ги препишуваат зборовите на наставниците. Учениците од средното училиште „Здравко Цветковски“ велат дека немањето учебници влијае и на нивниот успех.

Advertisements

„Делот од белешките за нас е многу малтретирање бидејќи објаснувањата се исто така многу важен дел за да ги разбереме лекциите, да бидеме повешти во таа насока. Со белешки постојано, понекогаш останува нејасно, мора постојано да истражуваме дома“, рече Мешира Далипи, ученичка.

„Опремени сме само со тетратки, инаку нашите наставници, конкретно по стручни предмети, се трудат што повеќе да ни предаваат материјал од интернет и да ни објаснат што појасно и попрецизно. Честопати се случува самите наставници да ни препорачаат да бараме на Интернет и во најголем број случаи да откриваме нови работи кои никогаш не сме ги слушнале и потоа на час заедно со наставниците се обидуваме да ги искажеме“, изјави Елиса Рамадани, ученик.

Наставничката и архитект Шукране Ќазими рече дека е тешко да се постигне објаснување и диктат на наставната единица во еден час. Додава дека најголемиот товар паѓа на учениците кои се принудени да истражуваат на интернет.

„Се обидуваме да одржиме предавање, да диктираме, да им покажеме за полесно да ги апсорбираат информациите. Да имавме книги, лекцијата ќе ја предававме на поинаков, понапреден, пософистициран метод, со објаснување, дебати и тие подобро ќе разбереа. Ние се обидуваме да направиме комбинација помеѓу пракса и теорија“, нагласи Шукране Ќазими, наставник.

Министерството за образование соопшти дека од минатата година повеќе од 60 текстови за предмети од стручно образование биле одобрени од Националниот совет на текстови./Алсат.мк

Мелихате Рустеми