Судскиот совет може да го избере претседателот на Врховниот суд на својата наредна седница
Судскиот совет може да го избере претседателот на Врховниот суд на својата наредна седница
По повеќе од два месеци од завршувањето на конкурсот, чекањето за избор на претседател на Врховниот суд се ближи кон крајот. Претседателот на Судскиот совет, Александар Камбовски, за Алсат изјави дека извештајот со кандидатите за претседатели на овој суд е веќе подготвен и ќе биде точка на дневен ред на следната седница на советот. На оваа седница членовите на советот ќе треба да одлучат за избор на еден од кандидатите. Кој и да го помине првиот филтер, ќе се соочи и со гласовите за „бадентер“, кои честопати ја нарушуваа математиката на мнозинството во Советот.
„Извештајот во врска со кандидатите за претседатели на Врховниот суд е подготвен и се очекува да биде точка на дневен ред на следната седница на Судскиот совет“, рече Александар Камбовски, претседател на Судскиот совет.
Во трката за првото место во Врховниот суд се поранешната претседателка Беса Адеми и судијата во Врховниот суд Африм Фидани. Моментално, функцијата в.д. претседател ја извршува Џемали Саити, кој беше избран на оваа позиција по завршувањето на четиригодишниот мандат на Беса Адеми на 12 март. Според законот за судии, претседател на Врховниот суд може да биде судија со најмалку шест години непрекинато судско искуство во суд од исто или повисоко ниво./Алсат.мк
Ајнур Бафќари
