Сузбиена криминална банда која шверцувала луксузни автомобили
Полицијата успеа да сузбие криминална група која шверцувала луксузни автомобили. Според МВР, станува збор за лица кои шверцувале и фалсификувале скапи возила кои биле украдени во различни земји од ЕУ, а потоа носени и Македонија. Според обвинителството, меѓу осомничените се и двајца службени лица вработени во управните служби за регистрација на возила, како и еден грчки државјанин.
„Лица во текот на 2021 и 2022 година со фалсификувани документи и изменети броеви, внесувале во државата возила кои биле предмет на меѓународен претрес, како и возила за кои на друг начин избегнувале царински контроли. Возилата се регистрирани овде и дел од нив неколку пати се продавале меѓу себе за да се сокрие шверцот, по што ги продавале на крајните корисници“, рекоа од ОЈО Скопје.
Полицијата откри дека биле извршени рации на 10 лица во различни градови во државата.
Обвинителството најави дека ќе поведе постапка против вкупно 10 лица за кои постои основано сомнение дека учествувале во криумчарење, фалсификување исправи, како и прикривање стока и царинска измама. Во меѓувреме, постапката против грчкиот државјанин ќе се одвива во Грција.
Авни Тахири
