Сведоци ги кажаа своите искази за пожарот во модуларната болница
Во Основниот суд Тетово денеска почна 11-то рочиште за пожарот во Модуларната болница. Свој исказ даваат 4 сведоци предложени од одбраната.
Прв сведочеше Башким Ибрахими, вработен во Болницата од 2008 година како обезбедување во Интерномедицинскиот блок.
„Од отворањето на модуларната до денот на пожарот извршив неколку услуги како носење лекови. Во текот на денот 4-5 пати влегував во модуларното и лично видов противпожарни апарати. Мислам дека имаше 3 противпожарни апарати. Имам видено една камера на рецепција, една во собата на сестрите и една во магацин. Каде што престојуваа пациентите не видов противпожарни апарати. На влезната врата имаше натпис „влезот е забранет“. Вратата беше заклучена со клуч“, изјави Башким Ибрахими, сведок.
„Во Болницата работам од 2015 година. По потреба влегов во модуларната од отворањето до денот на пожарот. Во случаите кога имаше жртви од Ковид, ги земавме мртвите тела и ги стававме во комбето на гробиштата. Влегувавме 5-6 пати на ден. Мислам дека видов противпожарен апарат. На влезот на модуларната имаше натпис „влезот на цивили е забранет“, изјави Исмаил Сејрани, сведок.
„Од 2019 година сум вработен во блокот Интерна медицина во тетовската болница. Првично, откако се отвори модуларната, работам таму. На работа не ми беше приоритет да забележувам противпожарни апарати, не се сеќавам дали имало или не. Таа вечер кога се случи трагедијата дадов изјава во судот. Не се сеќавам дали сум го дал исказот за некој обвинител… Модуларната не е одговорна, кој бил на смена тој одговара. Одговорен беше медицинскиот персонал кој беше на смена“, рече Ерселе Треси, сведок.
Судскиот процес за пожарот во модуларната болница во Тетово што се случи на 8 септември 2021 година кога животот го загубија 14 лица, а десетици други беа повредени, започна на 7 декември 2022 година.
