Свиларе: Бојкот на наставата ако не се реши проблемот со превозот
Околу 50 средношколци од село Горно Свиларе во општина Сарај најавуваат бојкот на наставата поради немање јавен превоз во нивното село. И покрај тоа што имаат бесплатен месечен билет, учениците се обврзани да плаќаат приватен превоз секој ден за да стигнат до училиштата каде што учат.
„Секој ден треба да трошам по 100 денари за пат, кога одиме на училиште и назад. Не може секој да се соочи со ова, не сите имаат ист стандард во семејството. Во семејството има три члена кои одат во средно училиште и имаат многу трошоци дома. 1.700 чини за еден месец, ако пресметаме 1.700 денари за тројца, многу излегува“…
„Најдоброто решение за нас како ученици е да дојде автобус до нашето село, но ја немаме таа опција. Трошиме многу, само за комбиња 100 денари се премногу“, реагираат учениците.
Како што рекоа учениците, пред една година поднеле барање за решавање на проблемот до Министерството за образование, општина Сарај и Јавното сообраќајно претпријатие, но до денеска, според учениците, нивното барање не е разгледано.
„Ние како ученици на Горно Свиларе ги немаме правата кои ни се загарантирани со закон, потребен ни е превоз од Скопје. Како студенти си ги бараме правата, но тие воопшто не се грижат за нас, ни рекоа дека мора да направиме нешто, презедовме иницијатива да излеземе во медиумите, да притиснеме, можеби ова е вистинското решение за нас“, велат учениците.
Алсат стапи во контакт со институциите кои според учениците се надлежни за ова прашање, но не добивме никаков одговор. Учениците од село Горно Свиларе, поради недостиг на јавен превоз, речиси секој ден го пропуштаат часот, а им се пишуваат и неоправдани.
Мелихате Рустеми
