Светската здравствена организација новата подваријанта на ковид ЕГ.5, неофицијално наречена Ерис, ја прогласи за „варијанта од интерес“, повикувајќи ги земјите да обрнат внимание во време кога бројот на заразени луѓе во светот се зголемува.
„Варијанти од интерес“ се оние соеви за кои е познато дека полесно се пренесуваат, предизвикуваат потешки форми на болести или го заобиколуваат имунолошкиот систем и се шират во неколку различни земји, јави Би-би-си.
Врз основа на достапните докази, претставниците на СЗО велат дека нема сугестија дека подваријантата предизвикува потешка болест и дека ризиците не се повисоки од другите сегашни варијанти од интерес.
Некои тестови сугерираат дека може полесно да го избегне нашиот имунолошки систем отколку некои циркулирачки варијанти, но тоа не е преведено дека луѓето стануваат посериозно болни.
Во Обединетото Кралство, во последните недели има мал пораст на луѓето во болница, особено на оние на возраст над 85 години, но експертите велат дека бројките остануваат пониски од претходните бранови. Нема зголемување на лицата кои се сериозно болни на интензивна нега.
Експертите ширум светот ќе продолжат да ја следат подваријантата и да го проценат нејзиното влијание, особено со повторното отворање на училиштата и универзитетите.
