Генералниот директор на Светската здравствена организација, Тедрос Адана Гебрејесус, изјави дека го охрабрува падот на бројот на потврдени случаи на коронавирус ширум светот, но предупреди дека не треба да се олеснуваат рестриктивните мерки, кои помогнаа да се потисне ширењето на оваа инфекција.
Advertisements
Тедрос посочи дека бројот на пријавени случаи на коронавирус на глобално ниво се намалува веќе четири недели по ред, а бројот на смртни случаи две недели по ред, пренесува АП.
– Се чини дека овој пад се должи на земјите кои построго спроведуваат мерки за заштита на јавното здравје. Сето тоа треба да нè охрабри, но задоволството е исто толку опасно како и самиот вирус – потенцираше Тедрос.
