Таравари: Промената е започната и ништо не може да ја спречи

Куршум од автоматско оружје е пронајден во дворот на претседателот на Алијанса за Албанците, Арбен Таравари. Самиот Таравари го пронашол куршумот додека излегувал од домот. Случајот го потврди и полицијата.

Advertisements

Секторот за внатрешни работи Тетово соопшти дека околу 09.45 часот во куќата на Таравари бил пронајден куршум од автоматско оружје калибар 7,62 милиметри. Од полицијата велат дека извршиле увид на местото на настанот, а куршумот е испратен на натамошно вештачење. Шефот на АА Арбен Таравари во реакцијата вели дека му е жал за инцидентот, а целта е тој да биде замолчен. Оваа постапка, според Таравари, сведочи за длабокиот очај во кој се наоѓаат оние кои ја држат земјата во заложништво.

„Во голема неволја е секој на кој му завршуваат зборовите и му останува само куршумот. Кој и да го фрлил тој куршум, му велам дека и да испука тешка артилерија, промената е почната и ништо не може да ја спречи. Можете да ме убиете и тоа би било голема загуба за моето семејство и жал ми е што и моите деца го читаат ова, но вие би убиле само еден човек, што ќе направите со илјадници, стотици илјади и милиони луѓе. Нема да можете да ме замолчите. Не можете да замолчите, убивате, запрете еден народ. Ја почнавме промената и со мене или без мене промената е направена“,  рече Арбен Таравари, претседател на АА.

Куршумот во дворот на Таравари беше пронајден само еден ден по неговата најава за приклучување кон албанската опозиција. Во меѓувреме, претставници на Алијанса за Албанците повикаа на смиреност и разумност. Според нив, АА им припаѓа на сите и нема потреба од тензии и разни закани, бидејќи и поделбите треба да бидат цивилизирани и достоинствени./Алсат.мк