Тетово ќе добие нова општинска зграда и две нови училишта
Изградбата на две училишни згради, изградбата на зградата на општина Тетово и реконструкција на булеварите до нивното завршување. Ова се проекциите на планот за развој на општината за следните четири години што денес ги гласаше општинскиот совет на Тетово.
„Станува збор и за кофинансирање на проекти што ќе се реализираат со таканаречениот холандски заем, но за општините тоа ќе биде како грант, во кој случај Општина Тетово предвиде дека, доколку понудите на економските оператори се повисоки од финансирањето на Владата, преостанатиот дел ќе го покрие Општина Тетово. Значи, зборуваме за вредност на капитални инвестиции во инфраструктурата на општината во вредност што надминува над 18 милиони евра, од кои 11 се финансирање од Владата, додека остатокот го покрива Општина Тетово“, рече Билал Касами – Градоначалник на Општина Тетово.
Според Касами, главниот фокус на инвестициите во следните четири години во рамките на програмата за развој ќе биде изградбата на две средни училишта.
„Во рамките на овие проекти, се градба на две училишта за „8 Март“ и Текстилното училиште. Изградбата на зградата на општина Тетово тука каде што беа бараките на инспекторатот и продолжувањето на булеварот Бато од Касарната до Порој. Исто така, тука е и кружниот пат до Попова шапка и две канализации кои се главен фокус на општина Тетово“, рече Касами.
Инаку, на денешната седница беше дадено зелено светло и за довршување на Булеварот кај градската касарна, кој повеќе од десет години останува неасфалтиран поради неуспехот да се постигне договор со некои жители за уривање на нивните објекти.
Башким Сулејмани
