ВИДЕО / Tежок пад на францускиот скијач во Вал д’Изер
Францускиот скијач, Клеман Ноел, кој победи во два слалома оваа сезона, нема да учествува на денешната слаломска трка во Вал д’Изер, откако го повреди десниот зглоб на вчерашната пресметка во велеслалом.
Ноел во еден од свиоците изгуби контрола и заврши во заштитната ограда. Иако на прв поглед падот не изгледаше сериозен, скијачот претрпе значајни последици, вклучително и губење на два заба.
Après sa chute hier sur le géant, Clément Noël ne sera pas au départ du slalom de Val d’Isère. Il nous donne de ses nouvelles ce matin. pic.twitter.com/6LSMlAqMGI
— la chaine L’Équipe (@lachainelequipe) December 15, 2024
Тој успеа сам да се спушти до целната линија, но беше очигледно дека повредата на зглобот му предизвикува голема болка. Поради овие компликации, тој нема да настапи на денешниот слалом.
