Не запира драмата по натпреварот меѓу Тиквеш и Вардар и оној поништен гол во самиот финиш за реми, по кој настана хаосот. Натпреварот не го доживеа својот крај, откако од трибините беше удрен помошниот судија Петрески.
Главниот судија Александар Ставрев ги испрати сите во соблекувалната, а мечот ќе биде регистриран службено за Вардар. ГФК Тиквеш објави соопштение во кое потенцира дека Петрески е тесно поврзан со раководството на Вардар и дека судел на нивна штета, а сега кавадаречкиот клуб објави нова реакција.
„Комесарот за делегирање на контролори во Фудбалската федерација на Македонија (ФФМ), Mарјан Кировски му ги праќа видеата на Миленко Неделкоски и му спрема текстови за објава во заштита на судиите од Скопје. Бараме од раководството во ФФМ да поднесе одговорност против Кировски и негово разрешување од функцијата за очигледен поткуп и местенка притив Тиквеш“, велат од клубот од Кавадарци.
