Топлотен бран „Кербер“ ја зафати Европа

Топлотен бран зафати делови од јужна Европа и северозападна Африка, со можни рекордни температури во наредните денови. Се очекува температурите да надминат 40 целзиусови степени во делови од Шпанија, Франција, Грција, Хрватска и Турција.

Advertisements

Во Италија температурите би можеле да достигнат до 48,8 степени Целзиусови. Црвен аларм е прогласен за десет градови, меѓу кои Фиренца и Рим.

Италијанското метеоролошко друштво го нарече топлотниот бран Кербер по митското чудовиште со три глави, кучето чувар на пеколот.

Метеоролошката канцеларија вели дека температурите ќе го достигнат врвот во петок, 14 јули, а BBC Weather вели дека големи делови од јужна Европа би можеле да забележат температури над 40 степени.