Топлотен бран во Македонија, се очекува температура до 41 степен

Сончево и многу топло време со мала до умерена локална облачност е прогнозата за денеска од Управата за хидрометеоролошки работи (УХМР). Во попладневните часови се очекува појава на изолирана нестабилност, а ќе дува и слаб до умерен ветер од северен правец. Утринската температура ќе биде од 10 до 20 Целзиусови степени, а дневната од 30 до 41 степен.

Advertisements

Во Скопје, денеска се очекува сончево и многу топло време со слаб ветер од северен правец. Температурата ќе се движи од 20 степени наутро до 41 во текот на денот.

Пад на температурите за неколку степени се очекува во деновите од викендот кога ќе дува умерен до засилен ветер од северен правец.