МВР има информации дека поранешен градоначалник од редовите на ДУИ е директно инволвиран во организирањето на инцидентите од 28 Ноември
МВР има информации дека поранешен градоначалник од редовите на ДУИ е директно инволвиран во организирањето на инцидентите од 28 Ноември
Јавната безбедност не е нарушена и Министерството за внатрешни работи вели дека е подготвено соодветно да одговори на сите можни предизвици на 11 декември. Министерот за внатрешни работи ден претходно изјави дека полицијата постапила професионално за сите неодамнешни инциденти и дека има оперативни информации за вмешаност на функционери на ДУИ, поточно на поранешен градоначалник.
„Вакви оперативни информации има и во Куманово и во Скопје. Не сакам сега да излезам со информации во јавноста. Секогаш внимавам какви информации споделувам за предистражните и истражните постапки, но факт е дека има такви оперативни информации дека поранешен градоначалник од ДУИ бил директно инволвиран, заедно со група во организирањето на овие настани, но за разлика од порано кога имавме политички прогон, сега министерството постапува по наредба на ОЈО со факти и докази“, рече Панче Тошковски, министер за внатрешни работи.
ДУИ му реагираше на Тошковски. Според нив, иронично и неприфатливо е министерот за внатрешни работи да се осмелува да изнесува неосновани обвинувања и да се обидува да го одвлекува вниманието од неговите континуирани неуспеси.
„Граѓаните не треба да се манипулираат со толку ниски манипулации. Фактите говорат сами за себе: овој министер покажува целосен неуспех во заштитата на безбедноста на граѓаните и одржувањето на јавниот ред. Тој нема кредибилитет да зборува за вакви прашања, а уште помалку неосновано да обвинува луѓе кои немаат никаква врска со овие настани“, велат од ДУИ.
Во однос на безбедноста на Уставниот суд до денот кога треба да се донесе одлуката, Тошковски вели дека само еден од судиите е под заштита на полицијата додека претседателот нема посебно обезбедување./Алсат.мк
Фатлуме Дервиши
