Трагедијата во Кочани, Муцунски: Сите трошоци за пациентите ги покрива Владата

Следната недела се очекува да почне враќањето на првите пациенти од трагедијата во Кочани кои се лекуваат во странство. Во Министерството за надворешни работи се одржа координиран состанок за следните чекори и мерки за организирање на враќањето на пациентите, или за продолжување на нивната терапија во земјата. Министерот за надворешни работи Тимчо Муцунски објасни дека сите трошоци за лекување во странство се покриени од соодветните земји, a другите трошоци од страна на Владата.

Advertisements

Муцунски објасни дека на сите роднини кои се во странство им се покриени сите трошоци, вклучувајќи го и хотелот, купени се авионски билети, известени се дека сите трошоци за роаминг ќе бидат покриени за мобилен телефон, а ќе добиваат пари и за дневни трошоци. Муцунски рече дека овие семејства нема да бидат оставени сами и дека некои држави изразиле подготвеност да помогнат со тимови дури и во делот на понатамошна рехабилитација на пациентите откако ќе се вратат во земјата.

Пациентите од пожарот во дискотеката „Пулс“ во Кочани се лекуваат во 14 соседни и европски земји. Во Србија има 31 пациент, 15 во Бугарија, 12 пациенти во Турција, 12 во Грција, 7 пациенти во Шпанија, 6 пациенти во Австрија, 6 во Унгарија, 5 во Хрватска, 4 во Белгија, 4 во Литванија, 4 во Италија, 4 во Словенија, 4 во Шведска и 2 во Полска. Покрај тоа, Чешка и Израел испратија медицински тимови, додека Романија, Луксембург, Норвешка и Финска обезбедија логистичка поддршка за транспорт на повредените./Ајнур Бафќари