Трајанов: Една Изборна единица ќе го демократизира Парламентот

Претседателот на Демократски Сојуз, Павле Трајанов, во вечерашното гостување во емисијата „360 Степени“ на Алсат рече дека партијата останува на ставот за една Изборна единица, оценувајќи дека таквиот модел нема да донесе штета на ниту една партија, туку ќе придонесе за манифестација на реалната волја на гласачите во Парламентот.

Advertisements

„Ако големите партии не се подготвени да создадат еднакви услови, шанси за политички натпревар, како може да очекуваме да се демократизира државата. Парламентот, со една Изборна единица, ќе биде реален одраз на определбата на граѓаните. Нема да губи ниту една политичка партија“, вели Трајанов.