Стапките на царини што ги воведува Трамп се движат од 10 до 50 отсто, а за нашата држава, според она што го објави се 33 отсто, односно половина од она што, според табелите, земјата го има како царина кон САД, а тоа е 65 отсто.
Од регионот, според табелите што се објавуваат, со повисоки царини се Босна и Херцеговина со 35 и Србија со 37 отсто. Царините што се воведуваат за Косово, Албанија и за Црна Гора се 10 отсто.
Највисоки царини на светско ниво се воведуваат за Камбоџа и тие ќе изнесуваат 49 отсто.
Држејќи голема табела со наслов „реципрочни тарифи“, на која се прикажани царините што другите земји ги наметнуваат на САД во споредба со американските царини за нив, Трамп рече дека никој не треба да биде лут на тоа.
„Тие ни наплаќаат на нас, ние на нив. Кој може да биде лут поради тоа?“, рече Трамп.
