Травари: Ахмети да се опушти и да биде конструктивна опозиција

Првиот човек на Алијанса за Албанците, Арбен Таравари вели дека Ахмети во наредниот период треба да биде опуштен и да се подготви за локалните избори. Неговиот коментар доаѓа по изјавата на првиот човек на ДУИ, Али Ахмети, кој го проблематизираше легитимитетот на новата Владата.

„Ако некој имал апетит за власт, тоа несомнено е г. Ахмети, 22 години на власт. Му посакувам здравје, му посакувам да биде што поопуштен, да биде вистинска и конструктивна опозиција. Убавината на политиката е некогаш во позиција, а некогаш во опозиција. Сега верувам дека Ахмети ќе работи со својата партија неколку години, ќе произведува кадри кои имаат кредибилитет и доверба кај граѓаните. Нашето прво мерење се локалните избори во 2025-та година“, рече Арбен Таравари, министер за здравство./Алсат.мк