Тројца обвинети од протестите за „Монструм“ добија по 1 година затвор
По една година затвор им досуди Судот на три лица за нарушување на јавниот ред во протестите против одлуката за случајот „Монструм“. Судот ги осуди на ефективна затворска казна Бехар Далипи, Бесар Калиси и Шабан Весели, кои претходно признаа вина. Адвокатите не се согласуваат со висината на казната и ќе ја обжалат.
Двајцата други обвинети: Артан Садики и Фабио Идризи, кои пред судењето се изјаснија за невини, ќе го продолжат судењето во соодветна постапка. Нивниот адвокат, Асмир Алиспахиќ, вели дека нема докази против неговите клиенти кои го докажуваат кривичното дело за кое се гонат.
Обвинетиот Бетим Касами го напушти судот поради високата температура, додека другиот осомничен Башким Сула е сè уште недостапен за органите на прогонот. Двајцата ќе бидат одделени од редовното обвинение, додека Башким Сула ќе биде осуден во отсуство. Во салата беа присутни и полицајци кои беа повредени на протестите на 26 февруари. Некои полицајци не бараа отштета од обвинетите, додека останатите ќе го продолжат судењето до Граѓанскиот суд. Следното рочиште ќе се одржи на 31 март. Делото „учество во толпа што ќе стори кривично дело“ предвидува ефективна казна затвор од 3 месеци до 5 години.
Адриан Керими
