Ракометната селекција на Македонија денеска ќе го одигра првиот контролен натпревар од подготовките за Европското првенство во Германија. Нашите ракометари го продолжуваат континуитетот на настапи на големите ракометни собир, а по напорните тренинзи во Стара Пазова, на ред дојде првиот тест, кој нема да биде по вообичаените правила.
Селекторите Шола и Лазаров договорија средбата да трае 90 минути, односно ќе се игра трипати по триесет минути, со цел сите ракометари да добија соодветна минутажа за докажување и воигрување. Натпреварот со Црна Гора ќе биде и еден вид крај на подготовките на нашата селекција во Стара Пазова.
Ракометарите по враќањето во Македонија ќе добијат два слободни дена, а потоа ќе ги продолжат подготовките за дуелите со Франција, Германија и Швајцарија.
Пред заминувањето за Германија, Македонија ќе одигра уште два контролни натпревари со Грција, на четврти и петти јануари.