Тухина: Секоја нестабилност на Балканот ќе се рефлектира во Европа
Темата за проширување на ЕУ не е многу популарна во земјите-членки на ЕУ, вели во емисијата „200 “, новинарката Ѓераќина Тухина, според која тоа доаѓа како резултат на зголемувањето на десните сили во многу земји-членки на ЕУ. Сепак, Тухина потсетува на фактот дека Западен Балкан е опкружен со Европската унија и дека секоја нестабилност би се рефлектирала и во Европа.
„Западен Балкан е опкружен со Европската унија и секоја нестабилност во регионот може да се рефлектира во Европа. Ладење во однос на загриженоста што Европската унија може да ја има за Западен Балкан, можеби нема, но сепак има ладење во однос на плановите и размислувањата за тоа како да се оди напред со регионот и дека темата за проширување сега во рамките на земјите-членки не е толку популарна, имајќи ги предвид внатрешните политички состојби во многу земји-членки, зголемувањето на десните сили во овие земји-членки во однос на непопуларната тема како што е прифаќањето на Балканот во семејството, но пред сè, ако Европската унија како таква не ги исполни ветувањата дадени на многу земји во регионот, и пред се, поголема одговорност има ЕУ, европските институции, ја должат својата обврска кон северна Македонија“, рече новинарката Тухина.
