Турција го лансираше првиот сателит од домашно производство
Турција рано во вторник (9 јуни) го лансираше својот прв домашен комуникациски сателит, Турксат 6А, во орбитата, проширувајќи го сателитското покривање на земјата и задоволувајќи ги нејзините потреби за телевизиско емитување, соопштија властите.
Ракетата SpaceX Falcon 9 го однесе сателитот во вселената од комплексот за вселенско лансирање Кејп Канаверал во Флорида во САД, пишува Ројтерс.
Турскиот претседател Реџеп Таип Ердоган рече дека лансирањето претставува отворање на „нова фаза“ за Турција во производството на сателити.
Министерот за транспорт и инфраструктура Абдулкадир Уралоглу истакна дека првиот сигнал од Турксат 6А е примен 67 минути по лансирањето, како што е планирано, додавајќи дека сателитот ќе ја прошири можноста за гледање турски содржини на пет милијарди луѓе.
„Ќе ги доведеме нашите сопствени комуникации, нашите телевизиски преноси на побезбедно, подобро ниво“, рече тој, објаснувајќи дека Турксат 6А сега ќе дозволи содржината од Турција да стигне до Индија, Индонезија, Малезија и Тајланд.
Турција претходно лансираше сателити користејќи ракети од SpaceX.
