Европа мора да влезе во трката за вооружување што ја започна Русија и мора да победи, изјави денеска полскиот премиер Доналд Туск.
Advertisements
„Изгубивме многу време во однос на градењето на одбранбениот сојуз. Но, денес сè навистина се промени. Зборувам и за предлогот на Европската комисија за мобилизирање до 800 милијарди евра и одлучноста на сите мои соговорници. Тие го потврдија тоа на состаноците во Париз и Лондон“, изјави полскиот премиер пред новинарите пред самитот на ЕУ во Брисел.
Туск рече дека кога зборувал за потребата да се создаде одбранбен сојуз, имал „повеќе надеж отколку убедување“ дека тоа дури и ќе биде можно.
