Ученици не одат на часови поради студени радијатори
Прекинот на греењето принуди стотици ученици од основните училишта во општина Чаир, „Исмаил Ќемали“, „Васил Главинов“, „7 Март“ и „Петар Здравковски-Пенко“ во Бутел да пропуштат часови. Многу училници имаа половина од бројот на ученици.
„Недостасуваа ученици, не дојдоа на првиот час, часот продолжи со скратен распоред. Можеби не поплаки од родителите, но ја разбираме маката на родителите дека е потребно секојдневно да се грижат за децата, но и родителите имаат разбирање“, рече Фиторе Ќирези, директорка на „7 Март“.
Учениците кои ги сретнавме ни раскажаа како е на часовите.
„Воопшто не ја соблеков јакната бидејќи е многу студено“…
„Наставничката ни рече дека часовите се скратени бидејќи е студено, нема греење. Не сум ја соблекла јакната бидејќи е многу ладно“, велат учениците.
Градоначалникот на Чаир бара координација на сите институции за надминување на кризата, бидејќи најмногу страдаат децата.
„Се разбира дека последно решение е онлајн настава, но не би сакал да размислувам и да одам на таа опција. Треба сите ние, институциите, да се концентрираме, да се координираме, да дадеме максимум за да се надмине оваа криза. Мислам дека тука треба да помогне и Владата, како што им помогна на другите топлани, нека ѝ помогне и на Скопје-Север да ја надминеме оваа состојба“, рече Висар Ганиу, градоначалник на општина Чаир.
Месецов ова е втор пат учениците од училиштата во Чаир и Бутел да бидат принудени да пропуштаат настава поради студени радијатори.
Мелихте Рустеми
