Учениците од селото Моранe веќе седум недели ја бојкотираат наставата
Учениците од селото Моранe веќе седум недели ја бојкотираат наставата
Седум недели без настава се учениците од приградското училиште од селото Моране. Бојкотот за присвојување на училиштето, односно одвојувањето од централното училиште продолжува и според родителите нема да биде прекинат додека не се исполни ова барање.
„Секое дете заслужува безбедна, топла и поддржувачка средина за учење каде што може да се развива и учи без бариери. Се додека не се донесе конечна одлука за ова прашање, ќе продолжиме со бојкотот“, рече Иницијативен совет за бојкот. Нашето барање не е многу големо, ова е барање што требаше да се направи пред многу години. Ние не сме тука за поделба, ниту за политизирање на работите, ништо не персонализираме, имаме барања и сме способни да се снајдеме со државна институција“, додаде еден жител.
„Не ни е лесно да се будиме во 7 часот и да бојкотираме секој ден. Сè што губат децата, губат нашите деца. Овој проблем го имаме, не денес туку веќе 14 години. Не знаеме што друго да правиме, училиштето го имаме тука, го средивме, ако има потреба повторно ќе го средиме“, рече еден жител.
Иницијативниот совет за бојкот се пожали дека раководството на централното училиште врши притисок врз родителите и наставниците да ги вратат децата на училиште.
„Апелирам до нив да престанат со оваа закана за наставниците што се прави. Дали некој ја зел предвид оваа закана, дали вчера било некое дете на час? Присилно ги земат од улица, еден по еден, прекршувајќи го редот на бојкотот„, нагласи друг жител.
Градоначалникот на Студеничани, уште еднаш апелираше до родителите да ги вратат децата на часови, во спротивно може да ризикуваат да ја изгубат учебната година или учениците ќе се соочат со испити по секој предмет. Садику рече дека се сретнал со министерката за образование, Весна Јаневска, која, според Садику, одбива да ја одобри одлуката за присвојување на училиштето.
„Ставот на Министерството за образование е дека училиштето во селото Моране нема да се дели. Имам многу забелешки за централната власт дека се однесуваат како ништо да не се случува и сега всушност излегува дека не сакаме да бидеме заедно со родителите на учениците. Ако вака се продолжи, учениците ќе мора да полагаат по секој предмет, а се ризикува и да се изгуби цела учебна година“, изјави Азем Садику, градоначалник на општина Студеничани.
За министерката за образование Јаневска бојкотот на наставата е политички монтиран случај и апелираше до родителите да ги вратат децата на училиште, во спротивно децата ќе се соочат со последици. Иницијативниот совет за бојкот предупреди дека до крајот на неделата ќе се одлучува за други форми на протест пред надлежните институции./Алсат.мк
Мелихате Рустеми
