Алсат
28.06.2020 21:43
Според хрватските медиуми, кои цитираат извори од Хрватската фудбалска федерација, Европската фудбалска асоцијација, УЕФА, планира строги мерки во врска со пандемијата „Ковид 19“. Ако некој фудбалер или член на тимот е заразен од корона вирус, тогаш тој тим автоматски се елиминира од натамошните европски натпреварувања. УЕФА ќе бара клубовите да имаат максимална дисциплина, минимизирајќи ги контактите на фудбалерите надвор од терените и ќе бара целосна изолација на фудбалерите кои треба да бидат концентрирани на тренинзи и натпревари. Силекс ќе биде првиот тим од Македонија што ќе ги направи тестовите за квалификациските натпревари од Лига на шампионите на 18 или 19 август. Шкендија, ФК Шкупи и Ренова, кои се натпреваруваат во Лига Европа, ќе бидат тестирани пред нивните дуели на 27 август.
