„MAKE Europe Great Again“ односно „Да ја направиме Европа повторно голема“ ќе биде официјалниот слоган на унгарското претседателство со Советот на Европската Унија. Белгија во моментов претседава, а Унгарија ќе ја преземе таа улога на 1 јули.
Advertisements
Унгарија го откри слоганот и новото лого во видео објавено вчера на социјалната мрежа Икс. Слоганот е копија на слоганот на поранешниот американски претседател Доналд Трамп, кој претходно го има фалено унгарскиот премиер Виктор Орбан, пишува Си-ен-ен.
Трамп го угости унгарскиот моќник во Мар-а-Лаго во март, истакнувајќи дека двајцата останале во контакт откако тој ја напушти Белата куќа во 2021 година.
