УНХЦР – Речиси пет милиони Украинци ја напуштиле својата земја

Речиси пет милиони Украинци ја напуштиле својата земја, откако Русија започна инвазија на Украина пред 50 дена, соопшти денеска Агенцијата за бегалци на ОН, УНИХЦР.

Advertisements

Новата статистика објавена на 14 април од УНХЦР покажува дека 4.736.471 Украинци ја напуштиле земјата поради војната, што е за 79.962 повеќе од претходниот ден.

ОН соопштија дека 90 отсто од оние што побегнале се жени и деца, бидејќи украинските власти им забранија на мажите на воена возраст да ја напуштат земјата.

ОН на 5 април соопштија дека околу 7,1 милиони луѓе се внатрешно раселени во земјата поради војната.