Уште една обвинета призна вина за „Двојник“, седум од вкупно 11 обвинети

Уште една од обвинетите вработени во МВР за издавањето на пасоши за случајот „Двојник“ призна вина на денешното рочиште пред Основниот кривичен суд во Скопје.

Advertisements

На прашање од Судот дали го разбира делото кое и се става на товар и дали се чувствува виновна, обвинетата Оливера Софрониевска одговори со „да“.

Софрониевска, се гони за кривично дело „злоупотреба на службената положба” за кое е предвидено максимална казна затвор до три години.

По признанието на вина, Судот ја раздвои постапката за останатите обвинети Фарук Буки, Весна Колевска и Бранислава Владичевска.

Претходно денеска вина призна и Шемседин Јашари, на кого судот му изрече казна затвор од година и седум месеци.