Условените оставки на ДУИ доставени до Ковачевски

Министрите од ДУИ поднесоа условни оставки, со нагласок дека ќе стапат на сил во моментот кога опозицијата би гласала за уставните измени.

„Ние министрите и владините функционери од редовите на Демократската унија за интеграција поднесуваме оставки од функциите што во моментов ги извршуваме! Оставките, г. Премиере, автоматски се ефектуираат во моментот кога опозицијата ќе ги изгласа уставните измени“, стои во оставките.

Иако законските одредби се јасни, премиерот не го ужива правото да ги држи во заложништво оставките. За чинот на оставка на член на Владата потребно е да се изјасни премиерот, кој треба истата да ја прифати или одбие. Прифаќањето на оставката подразбира итно постапување од страна на шефот на Владата и нејзино доставување до Собранието, а законодавецот мора на првата седница да ја констатира оставката без расправа.

Регулатива на Собранието, член 220:

„Собранието на првата седница од наредната седница без расправа констатира дека на премиерот, на Владата или на членот на Владата мандатот му престанува на денот на седницата“.

За оставките покрај министрите, премиерот Димитар Ковачевски го информирале и замениците министри од редовите на ДУИ. Оставките на владиниот кабинет на ДУИ и нејзините функционери доаѓаат по најавите од лидерот на интегративците, кој рече дека по барање на опозицијата, ДУИ се повлекува од функциите во Владата со цел ВМРО- ДПМНЕ да ги поддржи уставните измени.

Адријан Керими