Уставниот суд не остава простор за поништување на резултатите од пописот

Иако методологијата за пописот на населението во 2022 година можеби во најголем дел била усогласена со ЕУ, Северна Македонија не била обврзана на такво нешто, сè додека е земја кандидат, а не членка со полноправен пристап во ЕУ. Со таков став се изјасни Евростат во одговор на медиумите, во период кога пописот веќе беше спроведен, а се очекуваа неговите резултати.

Advertisements

 Став на ЕВРОСТАТ за методологијата на пописот во 2022 година
„Законот за попис и методологијата неодамна беа споделени со Евростат. Тие во повеќето аспекти се широко поврзани со релевантните стандарди дефинирани во статистичкото законодавство на Европската унија, иако законодавството на ЕУ сè уште не е обврзувачко за Северна Македонија како земја кандидат.“

Со ова, Евростат јасно става до знаење дека земјата требало да внимава на спроведувањето на сопствениот устав. За да се покаже дека уставот има примат во земјите кои не се членки, истото го потенцира и годишниот извештај за напредокот кој го подготвува Европската комисија за земјите кандидати, вклучувајќи го и договорот за приклучување. Во тие документи се нагласува дека пред членство, правната рамка на ЕУ не е обврзувачка за земјите кандидати и дека националните закони треба да останат во согласност со нивните устави.

Пред неколку дена, Уставниот суд изјави:

„Поради фактот што станува збор за укинувачка, а не поништувачка одлука, Судот напоменува дека Одлуката ќе се применува од моментот кога ќе биде објавена во Службен весник (за подзаконските акти кои ќе се носат во иднина), но нема да важи ретроактивно – за веќе спроведениот попис од 2021 година.“

Со ова, Уставниот суд не остава простор за поништување на резултатите или последиците од пописот што веќе е спроведен во 2021 година./Алсат.мк