Утре стартува новата учебна година – со сите учебници освен за странски јазици
Утре стартува новата учебна година – со сите учебници освен за странски јазици
Утре започнува новата учебна година во основните и средните училишта. Годинава во училишните клупи ќе седнат 245.000 ученици, бројка која според Министерството за образование бележи намалување за 17.000 во последните 7 години. Наставата започнува со физичко присуство, со исклучок на некои училишта кои ќе спроведуваат онлајн учење поради незавршување на реконструкциите навреме и недостаток на опрема како клупи и столчиња.
Министерката за образование вети дека на првиот ден од учебната година учениците ќе имаат книги или наставни материјали по сите предмети. Книги нема да има само по странските јазици, бидејќи тендерот пропаднал и во моментов е во жалбена постапка.
Министерката за образование рече дека годинава нема да има пролетен распуст. Таа нагласи дека во 140 училишта наставата ќе се одржува само со една смена, а се прават напори тоа да се реализира во сите училишта во земјава во наредните години. /Alsat.mk
