Ванковска: „Македонија во мултиполарниот свет“

Кандидатката за претседател Билјана Ванковска вечерва во Тетово ќе ја презентира својата изборна програма за, како што вели, враќањето на достоинството на Македонците. Вчера пак, во Демир Хисар, Ванковска пред граѓаните повтори дека се залага за воведување на т.н. граѓански Устав, но и за раскинување на Договорот со Бугарија.

,,Исчезнуваме во бермудскиот триаголник на трите договори – охридскиот, бугарскиот и преспанскиот. Да излеземе од него и да станеме вистинска држава. Да си ги вратиме името и народниот суверенитет. Јас имам визија за Македонија како независна држава и алка во мултиполарниот свет во кој што белите мугри се раѓаат на исток,” истакна Ванковска.