Вашингтон се надева дека земјава наскоро ќе ја одржи првата меѓувладина конференција со Брисел
Габриел Ескобар во интервју за емисијата 360 степени вечерва повтори дека Вашингтон се надева дека земјава наскоро ќе ја одржи првата меѓувладина конференција со Брисел. Со тоа соработувале и со европските партнери.
„Сакам да започнам со пораката дека Северна Македонија заслужува да биде дел од Европската Унија. Вие сте културен, историски и економски дел од Европа и треба да имате место на таа маса. Покрај тоа, вие направивте многу многу добри реформи што ве квалификува да го започнете процесот. Ние тесно соработуваме со партнерите од ЕУ, со сите партнери во ЕУ за да се увериме дека тоа ќе се случи многу брзо. Наша надеж беше и понатаму останува дека ќе ја одржите меѓувладината конференција оваа година, а ако не оваа, тогаш веднаш следната година. Значи, одговорот е да, ние сме во комуникација со сите партнери од ЕУ за тоа.“
