Веќе два месеца учениците учат од оштетени книги
Учениците од основните училишта со голема тешкотија продолжуваат да го спроведуваат наставниот процес поради искинати и оштетени книги. По два месеци настава, учениците се уште се жалат дека учебниците не се заменети, па голем дел од нив биле принудени да купуваат фотокопирани книги.
„Нема подобрување на книгите, исти се, немаат донесено ниту една книга. Имав проблеми со англискиот, ми дадоа да пишувам, сакам сам да пополнам. Книгата по македонски почнува од половина. Дали е тешко да се учи од искинати книги? „Многу, особено за одличен ученик“.
„Нормално, тие книги се искинати, повеќето не се. Информатика, музика, француски. Ќе земам од мојот пријател и ќе направам фотокопии“.
„Многу книги недостасуваат, и оние што се, се оштетени. Дали фотокопираше книга? „Да, по англиски“.
„Ми недостигаат многу книги, четири или пет. Кои книги ги фотокопиравте? Македонски, албански и англиски јазик. Имаме група на телефон и ги испраќаме еден на друг“.
Со недостиг од книги се соочуваат и учениците кои учат по новиот наставен концепт.
„Тоа е голем проблем за реализација на час, а да не зборуваме за сите лекции каде што имаме некои предмети кои воопшто ги немаме книгите и не се наоѓаат во линкот на министерството. Има само математика поделена на три дела, албански јазик, наука, историја и општество. Музичко образование, ликовно, техничко и информатчко, немаме книги за нив, се трудиме наставата да ја реализираме преку наставната програма“.
Од Министерството за образование остануваат на ставот дека училиштата се навреме снабдени со книги, според бројката што претходно беше доставена до министерството. Но, на ова се противат директорите на училиштата кои негираат дека го добиле потребниот број учебници.
Melihate Rustemi
