(ВИДЕО) Етна повторно еруптираше, италијански градови прекриени со пепел

По спектакуларната ерупција на најголемиот жив вулкан во Европа, Етна, сицилијанските градови се разбудија утрово покриени со пепел, пишува агенцијата Анса. Граѓаните и властите денес треба да ги исчистат улиците, дворовите и автомобилите од пепел и вулкански материјал што се шири во дијаметар од неколку десетици километри.

Advertisements

Лавата исфрлена од вулканот не стигна до населените места на падините на планината и немаше човечки жртви. Поради ерупцијата, вчера беше затворен меѓународниот аеродром во градот Катанија, административниот центар на регионот Сицилија. Властите соопштија дека околните населени места не се загрозени, и дека ја следат ситуацијата, пренесува Скај Њуз. Етна, висока 3.350 метри, е еден од најактивните вулкани во светот.