Јужна Германија се бори со поплавите откако обилните врнежи го прекинаа железничкиот сообраќај и принудија илјадници да се евакуираат. Предупредувањето за поплави сè уште е на сила во речиси половина од земјата, а најпогодени се провинциите Баварија и Баден-Виртемберг.
Околу 3.000 луѓе се евакуирани од своите домови, клиники, домови за стари лица, сместување бегалци и други објекти во сојузната покраина Баварија. Некои беа спасени од поплавените домови со чамци и хеликоптери. Десет баварски области прогласија катастрофална состојба, а на многу места електричната енергија е превентивно исклучена. Во покраината Баден-Виртемберг, жителите исто така беа повикани да се подготват за евакуација бидејќи нивото на водата во реките продолжува да расте.
Од петокот вечерта паднаа екстремни количества дожд кои тлото не можеше да ги апсорбира. Неколку потоци и реки се излеаа од коритата, а се скршија и брани кои требаше да ги заштитат местата од поплави. На терен има околу 20.000 припадници на итната помош, кои ги испумпуваат подрумите и ги обезбедуваат улиците со вреќи со песок. Некои од нив за локалните медиуми велат дека се работи за „непредвидлива“ поплава, ситуација каква што досега не доживеале.
