Фудбалската репрезентација на Мексико ја освои титулата на Голд купот. Во финалето, во Калифорнија, пред 70.000 навивачи, Мексико со 1:0 ја победи Панама. Мексико по две години се врати на тронот во КОНКАКАФ зоната, а вкупно деветти пат го освои Голд купот.
Победата на Мексико во финалето му ја донесе „златната измена“, Сантијаго Хименез. Напаѓачот на Феенорд на теренот влезе во 84. минута, а четири минути подцна го постигна единствениот гол. Панама трет пат играше во финалето и повторно не успеа да дојде до титулата. Во претходните две финалиња Панамците губеа од САД.
Финалето го обележа и 38. годишниот голман на Мексико, Гиљермо Очоа. Тој стана фудбалер со најмногу натпревари во историјата на Голд купот (26) и прв кој пет пати го освоил ова натпреварување.
🏆| ¡GOOOOOOOOL! De #Mexico 🇲🇽, Santiago Gimenez sobre el final del partido convierte el 1-0 frente a #Panamá 🇵🇦
El Tri muy cerca de levantar la Copa de Oropic.twitter.com/3rsJWkoLuS
— ProDeportes (@ProDeportes3) July 17, 2023
