Патничкиот авион од типот „боинг 737“, кој превезувал 133 патници и утрово се урна во близина на кинескиот град Вужоу во јужна Кина, предизвика шумски пожар на местото на несреќата, јавија државните медиуми.
Бројот на жртвите во несреќата засега не е познат.
Crash site of China Eastern Airlines Flight 5735, which had 133 people on board pic.twitter.com/Gj63GnWtHV
— 📡IFE News Agency🚨 (@IFENewsAgency) March 21, 2022
Информацијата за несреќата ја потврдија и кинеските воздухопловни власти.
„Авион од типот ‘боинг 737’ што летал од градот Кунминг до градот Гуангжу го загубил контактот над градот Вужоу во јужниот регион Гуангкси. Во моментов, потврдено е дека авионот се урнал“, соопшти Кинеската управа за цивилно воздухопловство (CAAC) во онлајн соопштение.
Авионот превезувал 123 патници и девет члена на екипажот, односно вкупно 132 лица, соопшти Кинеската управа за цивилно воздухопловство, а претходниот извештај на државните медиуми соопшти дека во авионот имало 133 лица.
Државната кинеска телевизија Си-си-ти-ви објави дека авионот се урнал во близина на градот Вужоу и предизвикал пожар, цитирајќи го провинциското биро за управување со вонредни состојби.
Најголемата авионска несреќа во Кина се случи во 1994 година кога при пад на авион на „Чајна нортвест ерлајнс“ загинаа сите 160 патници.
