(ВИДЕО) Пожар во Малибу зафати повеќе од 3.000 хектари, илјадници евакуирани

Пожарот, кој е наречен „Френклин пожар“, зафати повеќе од 3.000 хектари во Малибу и принуди илјадници луѓе да се евакуираат.

Пожарот избувна во понеделникот вечерта во близина на Универзитетот Пепердајн, а до вчера попладне изгоре 3.049 хектари, соопштија властите, пренесе Си-Би-Ес Њуз.

Прелиминарните извештаи покажуваат дека пожарот уништил седум згради, додека осум се оштетени.