Најмалку четири лица загинаа во Хјустон, во американската сојузна држава Тексас, во силно невреме што го зафати градот вчера. Невремето предизвика големи материјални штети и бројни проблеми во енергетскиот систем.
Поголемиот дел од центарот на Хјустон е преполн со паднати електрични столбови, скршени дрвја, стакло од скршени прозорци, сообраќајот е намален, а дел од уличното осветлување е надвор од функција.
„За жал имаме четворица мртви“, рече градоначалникот на Хјустон, Дон Витмајер во интервју за локалната телевизија Фокс 26.
#Watch | Powerful winds shatter windows in Downtown #Houston, Texas
Severe weather blew the windows out from at least two high-rise buildings in downtown Houston pic.twitter.com/ss91WoexWs
— DD News (@DDNewslive) May 17, 2024
Шефот на пожарникарите во Хјустон, Самуел Пења, повикувајќи се на првичните информации, вели дека едно лице е загинато од кран кој паднал од силниот ветер, а другите два смртни случаи биле предизвикани од паднати дрвја, пренесува Си-ен-ен.
