Силното невреме кое вчера го зафати Сплит, зад себе остави хаос.
Advertisements
За кратко време во Сплит наврнаа повеќе од 25 литри дожд на метар квадратен, јавуваат хрватските медиуми. Во текот на ноќта пожарникарите ги отстрануваа паднатите дрвја на улиците и ја црпеа водата од поплавените подруми.
Освен во Сплит, силен ветер и пороен дожд го зафатија и Каштел, пошироката област Макарска, островите Хвар, Брач, Вис и Шолта.
„Јутарњи лист“ пишува дека синоќа во Сплит имало „општа поплава, патиштата се претвориле во реки и врнело повеќе отколку во цел август“.
