(ВИДЕО) Тајфунот Кратон го погоди јужниот дел на Тајван, има и жртви

Тајфунот Кратон денеска го погоди јужниот дел на Тајван, кој со денови се подготвуваше за тој удар. Силниот тропски циклон уби две лица, а повреди повеќе од 100.

Advertisements

На тајфунот му претходеа силни ветришта со брзина од 126 км/ч, со налети до 162 км/ч и силен дожд.

Тајфунот Кратон навлезе на копно во близина на областа Ксиаоганг во Каосиунг околу 12:40 часот (6:40 часот по средноевропско време) на југот од островот, соопшти Централната тајванска метеоролошка управа (ЦВА).

Училиштата и канцелариите на островот се затворени од средата, а жителите на јужниот пристаништен град Каосиунг беа повикани да се евакуираат. Тајфунот донесе обилни дождови и силен ветер.