Шумскиот пожар во близина на Измир во Турција не стивнува веќе трет ден, пожарот се шири кон станбените области, граѓаните од пет села и две населби се евакуирани, едно лице е спасено од пламенот, а повеќе од 20 лица се примени во болница поради вдишување чад.
Голем број пожарникари се на терен и се обидуваат да го стават пожарот под контрола, објави „Сабах“.
🚨Turkey controls forest fire in Izmir for second day, 50,000 people evacuated.
Forest minister said on Monday that the fire was ignited overnight by winds of 40-50 kilometers per hour (25-30 miles per hour) in the Koyukak and Doganabe regions of Izmir. pic.twitter.com/Od0qBqEdBZ— Abdul Moiz (@AbdulMoiz_27) July 1, 2025
Пожарот избувна во шума во близина на Измир околу 13 часот во неделата, но се ширел брзо поради силните ветрови што достигнувале брзина од 110 километри на час.
Хеликоптерите првично не можеа да полетаат поради лоши временски услови.
Турскиот министер за земјоделство и шумарство, Ибрахим Џумакли, вчера пристигна во Измир за да го провери пожарот.
„Продолживме да се бориме со пожарот со четири авиони, 14 хеликоптери, 106 цистерни, градежна опрема што можам да ја избројам на стотици и возила од крајбрежните институции“, рече Џумакли, додавајќи дека пожарникарите во моментов се борат со пламените јазици на осум точки.
Изгорени куќи
Џумакли нагласи дека многу куќи изгореле и станале непогодни за живеење и дека државата ќе им помогне на граѓаните погодени од пожарот.
„Нема разлика помеѓу палење шума и испукување куршум кон татковината“, рече Џумакли.
