
Тропската бура „Сали“ се засили и се претвори во ураган во понеделникот и сега му се заканува на југоистокот на САД, предупредуваат американските метеоролошки служби. Големото невреме, проследено со ветер од 150 километри на час, уште денес може да стигне до копното, објави американскиот национален центар за урагани.
Сали, кој во моментов се наоѓа на 210 километри од устието на Мисисипи, може да предизвика зголемување на нивото на водата во американските држави Луизијана и Алабама, пренесува Ројтерс.
Во ризично подрачје спаѓа и Њу Орлеанс, кој беше погоден од ураганот Катрина пред 15 години.