Висар Адеми ја објави својата кандидатура за градоначалник за Гостивар
Професорот Висар Адеми денеска и официјално ја објави својата независна кандидатура за градоначалник за Гостивар. Во видео порака упатена до жителите на Гостивар, Адеми вели дека одлуката за кандидирање дошла по многу разговори со граѓаните, како повик што не можел да го игнорира поради разочарувањата акумулирани низ годините и како одраз на разочарувачките политики. Инаку, Висар Адеми е доктор по економија.
„Затоа, доста со молчењето, доста со дволичноста, лицемерието и лажните ветувања што ја убија секоја можност, ја одзедоа надежта и ден по ден создаваат нов Гостивар, но во иселување а не тука. Гостивар заслужува подобро, повеќе. Сите заслужуваме повеќе, затоа, заедно со група чесни и професионални млади мажи и жени, решивме да се кренеме и да се бориме заедно. Да ги засукаме ракавите и да му ја вратиме на нашиот град честа, достоинството и виталноста што му недостасуваат. Градот не е само патишта и згради, тротоари и канализација, тој е срцето на општеството, срцето на развојот е нашиот дом. Денес, тоа срце чука слабо затоа што е уморно од неправда, кражба, осиромашување и недостаток на надеж. Сакам да го сменам ова“, наведе Висар Адеми, независен кандидат за градоначалник на Гостивар.
