Владата го усогласува законот за државјанство со директивите на ЕУ
Владата сè уште не го усогласила предлог-законот за државјанство со директивите на Европската Унија. Експертите го усогласуваат текстот на законот со европските врз основа на кои ќе се заснова европското знаме. По техничката елаборација, законот ќе биде доставен до Собранието за одобрување.
„Ве известуваме дека техничката елаборација од одредени надлежни институции е во тек и по нивното завршување ќе биде доставена на одобрување до Собранието. Очекуваме овие технички промени да бидат завршени наскоро“, рече Мухамет Хоџа, портпарол на Владата.
Предлагачот на законските измени во Владата, министерот Спасовски не ги коментираше очекувањата дали измените можат да се донесат пред пратениците да заминат на годишен одмор.
Во меѓувреме, опозицијата ја обвини власта за злоупотреба на европското знаме. Според нив, злоупотребата на знамето на ЕУ ќе влијае негативно во годишните извештаи на Европската Комисија.
Владата на вчерашната седница донесе одлука предлогот на Законот за државјанство да се достави до Собранието со европско знаме. Овој чекор следуваше по притисокот на Алијанса за Албанците и Алтернатива кои најавија целосна блокада на Собранието во случај предлог-законот за државјанство да не биде одобрен врз основа на договорот на лидерите Заев-Села- Гаши.
Адриан Керими
